top of page
![](https://static.wixstatic.com/media/9bf16a_1d9fdf2e8ac34ff4bdf6300c4068dbf2~mv2_d_2304_1728_s_2.jpg/v1/fill/w_978,h_1658,al_c,q_85,usm_0.66_1.00_0.01,enc_auto/9bf16a_1d9fdf2e8ac34ff4bdf6300c4068dbf2~mv2_d_2304_1728_s_2.jpg)
“ГЕНІЙ, ЯКІ ЗАВАЛОДАЎ СЭРЦАМІ”
праграма, прысвечаная Фрыдэрыку Шапэну
Фрыдэрык Шапэн з’яўляецца адным з найвялікшых кампазітараў у гісторыі сусветнай культуры, творцам, які праславіў польскую культуру, выразна інтэрпаліраваў яе ў сусветны мастацкі працэс. Немалаважную ролю ён меў і мае для беларускай культуры, дзе яго ўплыў вельмі заўважны. Яшчэ больш шчыльна звязваюць Шапэна і Беларусь розныя “стрыечныя” сувязі, як, напрыклад, факт працы яго першага настаўніка Войцэха Жыўнага ў сапегаўскай рэзідэнцыі ў Дзярэчыне, сяброўства Шапэна і Напалеона Орды ды інш. Патрыятычны пафас генія быў сугучны думкам і пачуццям многіх беларусаў, якія разам з палякамі і іншымі народамі былі яшчэ нядаўна ў адной Рэчы Паспалітай, а пазьней удзельнічалі ў паўстаннях “за нашу і вашу волю”. У нашы часы ўшанаваньне Ф.Шапэна і папулярызацыі яго імя і творчасці падаюцца асабліва важнымі. Бо гэта адзін з самых геніяльных кампазітараў у гісторыі, які пакінуў свету свой Запавет -- Музыку найбольш вытанчаную, шчыра-асабістую, багата-эмацыйную, поўную драматызма і прасветленасці, якая ўзвышае, шмат пра што апавядае і кліча.
Названая праграма -- у форме канцэрта-лекцыі і канцэптуальна прывязана да канкрэтных мясцовасцей, што маглі б “пахваліцца” нейкім сваім дачыненнем да Шапэна. Таму ў перспектыве яе з асалодай пачулі бы ў Дзярэчне, Варацэвічах і Пінску, у Гародні і Берасці, а таксама ў Самой Польшчы. Плануцецца яе выкананне ў Жэлязовай Волі. Святкаванне ж Юбілею -- 200-годдзя выдатнага кампазітара прайшло з гэтай праграмай Ансамбля "Вытокі" ў Мінску 30 чэрвеня 2010 у Дзяржаўным музэі гісторыі тэатральнай і музычнай культуры Беларусі (Музычны завулак, 5). Прагучала музыка Ф. Шапэна, М. Ельскага, Н. Орды, Я. Тарасевіча, Ф. Шапэна, Шапэна, Шапэна...
![](https://static.wixstatic.com/media/9bf16a_ad6a37eae7164a73bc7fa28bc5b3312f~mv2_d_1754_2480_s_2.jpg/v1/fill/w_108,h_153,al_c,q_80,usm_0.66_1.00_0.01,blur_2,enc_auto/9bf16a_ad6a37eae7164a73bc7fa28bc5b3312f~mv2_d_1754_2480_s_2.jpg)
![](https://static.wixstatic.com/media/9bf16a_fd3b14101d6e492fb20de461c408a118~mv2_d_1600_1200_s_2.jpg/v1/fill/w_600,h_669,al_c,q_85,usm_0.66_1.00_0.01,enc_auto/9bf16a_fd3b14101d6e492fb20de461c408a118~mv2_d_1600_1200_s_2.jpg)
![](https://static.wixstatic.com/media/9bf16a_96a8f18c83224e69b09d280bdfff3dd0~mv2_d_2048_1536_s_2.jpg/v1/fill/w_108,h_81,al_c,q_80,usm_0.66_1.00_0.01,blur_2,enc_auto/9bf16a_96a8f18c83224e69b09d280bdfff3dd0~mv2_d_2048_1536_s_2.jpg)
![](https://static.wixstatic.com/media/9bf16a_d0cfc0eaa4464065abb32febe87eec41~mv2_d_1600_1200_s_2.jpg/v1/fill/w_113,h_85,al_c,q_80,usm_0.66_1.00_0.01,blur_2,enc_auto/9bf16a_d0cfc0eaa4464065abb32febe87eec41~mv2_d_1600_1200_s_2.jpg)
![](https://static.wixstatic.com/media/9bf16a_c4f7357c90bb4173977c03695569c2a9~mv2_d_1536_2048_s_2.jpg/v1/fill/w_84,h_112,al_c,q_80,usm_0.66_1.00_0.01,blur_2,enc_auto/9bf16a_c4f7357c90bb4173977c03695569c2a9~mv2_d_1536_2048_s_2.jpg)
bottom of page